“قوم يا مصري مصر دايماً بتناديك ، قوم لنصري ، نصري دين واجب عليك”

سيد درويش

سيد درويش

اصل الحكاية سيد درويش ، هوا دا اللي انا بتكلم عليه ، مهو دا اللي غنا لمصر زمان ، غنا للشيالين و للقهوة و الفلاح و الصنايعي و الكيف و السايس و حتي السوداني غناله حتي شوف :

مخسوبكو انداس صبخ مختاس
مسختو جزمة ياناس
مافيش فلوس بقيتو منخوس
فقرتو خلاص
نشتغلو في إيه يافندي يابيه
مادام البخت موريه
مافيش تهييص مافيش قميص
مافيش لباس
فين نروخو سابرستيه
دنيا لسه تربيتيه
أيام الهيصة فنيتو خلاص
مخسوبكو انداس صبخ مختاس
كفرتو ياناس
بوكر مافيش يابودرويش
قهاوي رقص مافيش
إزاي يافندي ابن الكيف يقدر يعيش
بوكر مافيش يابودرويش
قهاوي رقص مافيش
مادام مافيش بدال يغنيش
نبيع ورنيش
دوخنا نروخ لمين
سوخنا يامسلمين
نشكي نقول لمين آه
حانتيش مانتيش يابو الريش
إن شالله تعيش
سبت الخمارة
سكنت ف خارة
مافيش ولا واخد بارة
علشان نروخ كلنا لطوخ
ونيجي منفوخ
أفتي كلا بولي
كالا سمك باكالا
أحيه أمان أمان
فين المصر بتاع زمان
والمدام فامولاكي
والله ياخرلمبو كانت أيام
فاريج لي كي

محسوبكو انداس

و غنى للستات كمان :  ع النسوان ياسلام سلم

ع الستات ياسلام سلم مفيش كده ابدا بهجة

ده احنا الوارثين يافندم ضاربين الدنيا طبنجة

ياحبيبتي دي ثروتي راحت ايه اللي جرالي معرفشي

ودي ساعة الحظ إن راحت ابدا ماتتعوضشي

كل الأطيان لو راحت في نظرة مانستخسرش

نعرف جغرافيا ونحوي وحساب وحاجات تراللي

خمسة في تسعة بستاشر وباريس في الوجه القبلي

بونجورنو ده فعل مضارع مفتوح على البحري تمللي

ودي صنعة هنري التاسع شيخ حارة في المتولي

ابجد هوز معناها بالتركي ابقى قابلني

كده ولا بلاش يامدارس دي بلدنا بقت منخوليا

يكفانا بس نعيرها قال ايه عاملين بكالوريا

والواحدة في طبخة نابت عايزالها سبع الكخيا

مابدال التكنولوجيا يدوهم طبخالوجيا

وكلها لهجة لوجيا وأومور أونطالوجيا

ده كلام ملاحيس مايهمش ماتتمسخرش علينا

إن شاء الله محدش حوش دي الفلوس في رجلينا

بنغني ونرقص بولكا ومزوركا ونسكر طينة

نلعب بوكر ونبقشش دي الجنيهات ملو ايدينا

إن راحت أطيان بابا البركة في صيغةنينة

حتي الحشيش و الكوكايين غنالهم :

يابو عبده قول لابو حمده      ينده كعبوره وحكوره آدي ملك الجن

اللى له حاجة يحكي له عنها     يقلب له كيان أيمانها من غير مايون

بقى برضه أصول محاسيبك دول   يفضلو على طول من غير منزول

معناها بلا أفيه ولامؤاخذه            اتحفنا بلحسه تكون لذه

اسم النبي أحسن حافضينك          سيد العارفين ينصر دينك

ياحدقة ناكلها بدقة ناكلها ببصله

أهي لقمه وبس تحشي المصارين

ربنا مايخليه لنا في ايديه  المنزول  اللي يفرفش أيوه الله أمين

وسكي ماوسكيش وحشيش ماحشيش

ياخي ده ده مافيش زي دي تغانيش

خربت عمرت طلعت نزلت         كسبت خسرت فتحت قفلت

طظ في ابو مين الدنيا دي               طول مانا موزون وزنه سجوريا

مابيفلقناش ولايفقعناش     إلا اللي عامل فلوطه وياخد كوكايين

ماهو دا من دا برضك ياسيدنا

بس دا منزول شغل أوروبا أما دا وطني

حتى الفرنجة في الكيف بريه       هيا الأمزجة فيها باشا وبيه

خمرةميت كوكايين ميت                وسكي ميت   منزول ميت

اختار لك موته وطنية                      أحسن من الموتة الأفرنجية

- حتى في المسرحية

و هنا بيغني للكوكايين الله عليك يا معلم سيد

و هنا بيغنوها في غرزة

المهم نيجي لموضعنا ، مين سيد درويش و اية علاقته بالثورة ،دور ع النت على سيد درويش هتعرف كل حاجة ، هتعرف كلماته و الحانه و اغانيه ، و هتعرف كمان انه كان نسوانجي و كان له عشيقات بالهبل و في اوقات اتنين في نفس الوقت زي ما حصل مع فردوس و رضوان. هتعرف كمان انه كان سكري و حشاش و مش حشيش بس ، سيد كان مزاجانجي معتبر .

اغلب الناس لما توصل للنقطة دي هتلاقيها تقولك ” استغفر الله ” و تقرف و الكلام دا ، بس كمان لما تدور على سيد درويش هتلاقي عبقري مصري وطني ، النشيد الوطني بتاع مصر دا من اعماله ، بلادي بلادي ، قوم يا مصري ايام ثورة 1919 و هوا دا الموضوع .

الناس تقول ازاي الحشاش يكون وطني ، و هوا دا قصدي بالظبط ، الثورة و الوطنية ملهاش دعوة ، تكون مسلم او مسيحي او بهائي او بلا دين ، تكون مهندس و لا قاضي و لا سمكري و لا عاطل ، حشاش و لا ظابط (حشاش برده) ، نسوانجي او “حج ولاد” او ملتزم و لا مش عارف لا تتجوز و لا عارف تنحرف …

كل دا مش مهم ، المهم ان الثورة للمصريين و لو انت مصري يبقي من حقك تقول اة (من الوجع) او لا (في وجة الظلم)

مفيش حاجة اسمها ثورجي ، لا السياسي و لا المعارض هينفعك و لا هيجيبلك حقك ، انت مصري و لو عاوز حقك هتاخده و زي ما قال سيد درويش :

ما قلتلكش ان الكترة لابد يوم تغلب الشجاعة
واديك رأيت كلام الأمرا طلع تمام ولا فيهشى لواعة
غيرشى اللى كان هالك ابداننا ومطلع النجيل على عيننا
ان فهمى يكره حنا وايش دخل دول يا نا بس ف ديننا
دخل بناتنا(بيننا) اللى موقعنا فى بعضنا وراح لك متصدر
فقسنا لعبته واتجمعنا لا يضيع شرفنا الله لا يقدر
عاديك على اللى ادت له الدنيا وش وبقى له تركة ومتاعة
تشوفنا احنا تقول حنفية وتشوفه هوه تقول بلاعة
عايشين فى وادى النيل نشرب من عدادات على مللى وسنتى
من جاز لملح ومن سكر وترموايات لخواجة تريانتى
ربنا ما يوريكشى دوختنا الجيب نضيف أما البيت أنضف
والهدمة دى اللى على جتتنا محجوز عليها دى عيشة تقرف
الحق كله على الأغنيا , إحة! يا فرحتنا بشطارتهم
ملهيين فى روزا وماريا والسف نازل على أمتهم
إمتى بقى نشوف قرش المصرى يفضل فى بلده ولا يطلعشى
انتوا بمالكم واحنا بإيدنا دى الإيد لوحدها ما تسقفشى