أوكي ، حسب أحدى البرقيات بتاعة ويكليكس ، انتقدت أمريكا استراتيجية وزارة الدفاع المصرية في التصرف فالالمنحة العسكرية إلي هي اكثرمن 36 مليار دولار منذ عام 1979 (طبعاً يا خبر اسود) ودة بيخلي مصر تاني أكبر مستفيد من المعونات الأمركاوية .
طيب إيه الي مش عجبهم بس فالاستراتيجية ، ركز معايا وحياة والدك ، هما عاوزين مصر تجب أسلحة ، من طايرات ومدافع والذي منه ، أما مصر فبتصرف على أساليب الدفاع القديمة إلي هي رجل لرجل ، مانو او مانو. المهم الامريكان مستغربين ليه وازاي فالوقت إلي الدول المجاورة حتموت نفسها على حتتين سلاح وكم دبابة على كام طياراه .
أنا عرف السبب ورا الاستراتيجية دي ، كذا سبب ، واحد إن حرب الجيش المصري جوا مش برا ، دة واحد ، اتنين باءه إن العدد عندنا كبير وبرخص التراب ، فليه أنا أتعب نفسي وأجيب سلاح لم أنا ممكن أخلص على ذخيرة العدو بالعدد المهول إلي عندي . مفهومة ولا إيه ؟
عندي كذا سؤال باءة ، هل الأمريكانيين مستغربين بجد ولا بيستهبلو ، وهل تدريب العدد دة فالجيش يكلف 36 مليار دولار ؟
2 تعليقات على إنه يستغرب إنه يستهبل
يمكن بيصرفوا عليها عشان حالة الطوارئ؟
يا سيد زيدان ، كلامك سليم ، و دا اللي بيأكد ان الجيش بيستخدم للداخل مش للخارج . لكن اية مصلحة الامريكان في قمع الشعب المصري ، مع انهم اول من قال “احسن” لما التونسي وقع.