4 تعليقات على أنا مصري

1. أحمد زيدان (مصر) يناير 15, 2011 -

   ما حدث هو فِعل إرهابي طائفي، لا علاقة له قطعًا بهؤلاء المتعايشين بسلام من أمثالنا مع كل الديانات، وليس فقط المسيحية.

   ولكني أعتقد أن ما حدث هو تنفيث عن الاحتقان الذي دام طويلًا بين إسلاميي مصر بالتحديد، الأصوليين والمعاديين لللآخر، وبين ردود الفعل المسيحية الهامشية، والتي تضخمها الآلة الإعلامية السلفية بقيادة قنوات التطرف، التي أغلق منها القليل، وبقي الكثير، ولكن إلى زوال.

2. مايكل او مينا او شنودة (مصر) يناير 15, 2011 -

   بص يا محمد بص يا احمد ، الكلام الحلو كله بيتقال من الناس الكويسة اللي بتتطلع في الاذاعة و التلفزيون و بتوع القلم و الصحفيين ، و دول اغلبهم من المثقفين او المتعلمين او علي الاقل خالص اللي مش فارق معاهم الدين (اية رأيك في السجع دا) المهم ، دول يا معلم مبيفجروش ولا بيحرقوش ، و صوتهم بالنسبة لي مش صوت مصر ، عاوز تسمع صوت مصر ، روح كلم نوبي ، فلاح علي القهوة ، واحد طالع من صلاة الجمعة في طنطا ، اسأل المراكبي ، اسأل الواد علي العجلاتي علي ناصية الفجالة ، الناس دي ملهاش صوت ، بس دول بتوع الافعال .

   الموضوع معروف و كلنا فاهمين اية اللي بيحصل ، بس في مننا اللي اشترك في التمثلية الحكومية برغبته و فيه بدون .

   انا اللي اعرفه ان المصري نسي اصله ، و دي حاجة تحزن

3. محمد رمضان عطية (مصر) يناير 16, 2011 -

   مايكل او مينا او شنودة تحياتي
   الموضوع مش كلام انشا بس انا فعلاً عايش دا في بلدي جاري المسيحي عمرنا ما فى مرة اتخانقنا ولا كان في بينا غير كل حب وخير وصحبي العزيز ( انتيمي يعني ) مينا عمرنا ما كان في بينا الكلام دا اهم حاجة منتكسرش ونفضل ايد واحدة مش كلام وخلاص .
   اكرر تحياتي

4. مايكل او مينا او شنودة (مصر) يناير 16, 2011 -

   يا سيدي صادق ، سادء بالمصري ، انا معاك و ابصم بالعشرة ، بس انت بردة مش شايف وجهه نظري ، حضرتك من الواضح انك متعلم ، و بتكتب ع النت و حاجة اخر السته ، زيي يعني زي اغلب الناس اللي هنا ، و اغلب الناس بتاعة “اخوات و اصحاب و كلي شنكان” و انا من الناس دي بردة. لاكين (و خد بالك من لاكين دي) لما تعرف ان اساس التطرف هو الجهل ، و ان مصر فيها علي الاقل 60% جهلة لامؤاخذة ، يبقي فين الاغلبية ؟؟؟

   و لا انا غلطان يا باشمهندز ، يا ريت تعذر لغتي الشعبية (السوقية) ، انا بلدي و احب البلدي