حليت عيني في ديور الناس
كبرت ديما حانيا الراس
عمري مادقت طعم النعاس
السعادة في حياتي منعرفهاش
الفرحة واﻻبتسامة مادقتهاش
أمنيات واحﻻم في حياتي ماكيناش
طفلةانا في عمر سبع سنين
عطاتني امي وبويا الحني

لعائلة عليا تحرث نهار وليل

وانا طفلة مانعرف ماندير
حكمو عليا بالتعب والسهير
صحابي يقراو
وانا بين الطباسل واحلة
وقت لعبهم
انا في التصبين غارقة
عﻻش يا دنيا عﻻش
حكمتي على طفلة معرفاش
تعيش محكورة هاكة
تعيش في الظلم والمحاكة
مالمتكش يا أمي ويا بويا
الفقر عﻻش انا نبكي اليوما
اللي خﻻني فحياتي عشت مضلومة
هادي حكاية طفلة مهمومة
**بقلم الزجالة الموهوبة سهام نوري**