المنهج الجدلى :

 بيقوم المنهج الجدلى على فكرة اساسية وهى ان كل شئ متغير , المجتمع , الطبيعة , الانسان .. كل شئ فى تغير وكان ” هيجل ” هو من ابدع او توصل للنظرية دى الا وهى ” الجدلية ” فى خلال كلامه عن الانتفاضة البرجوازية على عهد الاقطاع فى اوروبا , ولكن هيجل كان بيرجع ده برده لفكرة واحدة , فكرة مطلقة ..

ماركس كان زميل هيجل , واخد منه فكرة ” الجدل ” وهى ان ولا اقولك تعالى نشوف ماركس نفسه قال ايه ؟

” لا يختلف منهجى الجدلى فى الاساس عن منهج هيجل فقط , بل هو نقيضه تماما اذا يعتقد هيجل ان حركة الفكرة التى يجسدها هيجل بالفكرة هى مبدعة الواقع الذى ليس هو الا الصورة الظاهرية للفكرة اما انا فاعتقد على العكس تماما ان حركة الفكرة ليست سوى انعكاس حركة الواقع وقد انتقلت الى ذهن الانسان “

لحد هنا , كلام ماركس بينتهى , وبيؤسس للمادية الجدلية , وبأن كل شئ يحمل نقيض يكون بينهم تضاد ونضال وهو اللى هنعرفه المرة الجاية بقانون ” نضال الاضداد ” .. فانت لو جيت حولت المياه الى بخار ماء , فالمياه لم تتحول لشئ تانى وانما تحولت لبخار ماء , يعنى صورة للاصل , يعنى الماء بيحتوى على نقيضه ايضا .. نفس فكرة الموت والحياة فى الانسان , الانسان كل يوم بيموت منه خلايا , وبتخرج خلايا حية اخرى , يبقى الانسان نفسه بيحمل الفكرة ونقيضها ” الموت – الحياة “