عروسه ولكن كلامها كتير

وعجبي ..ما شفتش عرايس كلام

وفين في الحياه الصغير والكبير

وكله معلّق بخيط الحرام

يقولك بلاش ..

وخيطك يشدو

يقولك فلاش

.. يا عيل يا جدو

ياسوق النخاسه

كفايه غلاسه

تعبنا حكاوي

مع الانتظار

وليه الكياسه

وحبة عكاسه

مادام اللي حاصل

زي اللي غار

تهدي تعدي

طريقك مصدي

وخازوق حتلبس

في وسط الغبار

سلالم لفوق

وسلم لتحت

وكل اللي فوق

مقضيها فحت

تنادي الحقونا

ياريت تسمعونا

يهدو المباني

يشدو الستار

وترمح في ضلمه

يشدك للخمه

وخيط العرايس

بورق السيجار

يشدك تنفّس

يسيبك تتيس

محدش كويس

بينده ف زار

فليه الخطاوي

وكتر البلاوي

مادام مستكاوي

في مسرح نوبار