واجيبلك من سمار عنب البنات

توته ونبق

ورده وريحان ..والحنان

كان اللي بينا بيتخلق

وامشي ورا الحلم اللي مشغول

من رموش حبر وورق

سكران على خطف العيون

وساترني بين جهل الزمان

حبة خَلَق

طب هو مين اللي اتخلق

من نني مسكون بالجنون

بين اللي سهران بالمجون

واللي اتحرق

واجيلك حافي ولا داري

نسيت بين رحلتي داري

ومش حقدر اعود محزون

وكل شمعي بيتحرق

لسّاكي ساكته

نقول تاني..

مهووس بليل مليان الم

عاشق ومعشوق اتظلم

والروح بتستنى

خمور عطر الغسق

طب هو مين اللي غرق

في بحور لغير شط واسى

واللي اتنسى

بين الجفون

بين الظنون

بعد السحاب

فوق الودق

وتقلي مسجون واتخنق

شايفه النجوم .. سكر وسهر

شايفه الكروم .. ضي القمر

شايفه اللي مشحوت جوه صرخه

ولسه تايهه دمعته

شايفه اللي مسروق جوه ضحكه

وخايفه تنده فرحته

شايفه اللي مهزوم بالأنين

شايفه اللي مدبوح بالحنين

شايفاني ولا..

لسه حستنى القدر