صدري حريقه

ولسه ناره بتحتمي

مين اللي قال

بحنانه في النار يرتمي

ساق شكوته

 تحكي اللي فات

وتخيب بماضيها الدني

فوق بكره حبة ذكريات

تحرق شعورها

بدون شجن

تحمل حروفها

بدون وطن

شابت بترثي

من شبابها حر ..

لكن قيّدوه بين اللي مات

غابت واديها

ف سكرها

تستنى ينسى حزنها

روح السكات

……………………..

حاضر وناسياه الهموم

والكفر بالدخان في جحري

لسّاني عاجز أو مريض

أولسه ما بعرفش أجري

ولا  الطفوله

نستني أمشي

بين جنون صرخي وخمري

رميت بالكاس لفوق

ينزلي مليان بالمعاصي

ولحد امتي وأنا بَفوق

والخمره مش نافعه لصبري

ولمين حبوح بين الشقوق

والدنيا لسه نهارها بدري

ساخط بعيش فوق الخطايا

صامت مليش حق ف دعايا

سارح ولسه ماجاش في فكري

أني استخبى ف خيط ملايا

مجنون ولكني

على كل اللي فات

صدري ملوش

غير ناره يمكن تغتمي