بستنى مسكك لوصحيت

على كل حيط

بين الأنوف تحت العمم

فوق كل مادنه بتتبني

بعد الفراق قومت وناديت

والرحمه بيت

باينه ف قصورك تحتمي

حبيت اشوف فاضل كتير

رديت بطير

من بين جناحه رأيت علم

تاه بالصفوف

نادى بخوف

فوق كل قمة هناك هرم

قال يابني قوم

واشفي السموم

محتاج لصوتك للكلم

رديت بعين تومي لفين

والناس ظروفها بقت عدم

لابد من بكره اللي ناسياه الهموم

يصرخ يقوم

يختار بكيفه ونقوته

من بين خيالات النجوم

بحرين غيوم

فارده على الليل الشجن

واسترقى بين الظلمه  بوم

يهتف بلوم

على كل مجروح بالحزن

فاضل خلاص حبت خلاص

ورضا وقناعه وطوق أمل

يرمي على كتفه الحياه

في سبيل حياه

ويشوط برجله اللي انهدم

فاضل حنين بين الإيدين

وسلام بشوق يحمل عمل

وعقول تفوق من سكر فوق

وتفك لطريقها الخلل

مش فاضل كتير