شايفني لسه بموت

لأمتى ؟؟

لسّاني طاير بين صخور الأضرحه

بين الغيوم بلا أجنحه

بين الشفايف .. كلمه خايفه تنمحى

فين الربيع والزهر دبلان كسوته

فين الهوى بين الصدور باع صرخته

فيني أنا

أنا بموت

 ……………..

لسّاني خايف بس مستني النصيب

لسه الصباح منشرش نوره

فوق جراحي عشان تطيب

ناديت على فجره اللي طال

ليه المحال

والبدر نوره بداه مغيب

وفرشت بستاني بأريج

بين الضجيج.. بين النسيم

فين الطبيب

والفجر سكران في المسا

والفكر  جافيه النسى

عِشِق الرياح

باين عليه كُتر القسا

دوّرت اتسلى ولكني نسيت

انا لسه ميت

………….

حبيت اشوف

بس الزمان مرضيش نصاف

والليل بقمره وأنجمه

 من الشمس خاف

ضاق الطريق بين محلمه

في الفجر قام شد اللحاف

واستنى لما ملوك سماها تكلمه

غنى وماستناش هتاف

حرم العيون

من الصبح نوره وبهجته

واختار يكون بين الجياف

مات الفقير