ممنوع

وبحكي فوق صراط الليل

ألم

فاض اللي فيه

لسه حلاك باقع على هدومي ومنشفشي

لسه بشوف في البدر صورته

لساه هنا ومرضيش ينام  يمشي

مستني ليه

ألم

تاب اللي شاف نوره ومندمشي

على كل طيف اسراب

على كل باب أحباب

ومش عارف لأمتى زماني

لأمتى  الليل يبات يفشي

 ألم

أنا الممنوع

أيوه انا الممنوع

و بطفي ناري بين صدري

ومستني الزمن يجري

وبحلم بس مش عارف

أشوف حلمي نده فجري

ألم

وشايل بين ظلام الليل

الم وفراق

لبكره اللي نداه مشتاق

بيحلم ييجي بالاشواق

ويتماهل على كيفه

وبستغرب على الاهات

وبستغنى عن الغايات

وخايف احكي لحروفه

ألم

يا رنة الخلخال

ردي على اللي اتقال

لساه هنا لساه

شايل خطى الموال

حاسس بكرب الجلد

وحدي ما شايف حد

واللي اتخطى في الآه

ردي بتنهيدي

ردي حفا جيدي

ردي ولا تخافي

ده الفجر لسه صفاه