طويل طويل طويل  قوم يا طويل …. أمى تحاول إستيقاظى …….وأنا بصوت الناس اللى لسة صاحية من النوم … حاضر ،،طب هاتيلى شوية مية ..تمشى ماما من هنا وخ خ خ خ خ خ … ترجع بالميا .. يوه إنت نمت تانى … طب عليا النعمة منا مصحياك خليك نايم ماليش دعوة إنشالله تتاخر على الإمتحان …. إمتحان إيه إنتى قولتى إمتحان طب خلاص هقوم أهو …..”المنبه”….مممممم أكلك جميل يا ماما _ بينى وبينك هو مش على طول جميل بس مبحبش أكسفها _…. لكن لو حصل مثلا …… يلا يا ماما حضريلى أكل بسرعة لحسن لسة جاى من الجامعة وواقع … معلش أصبر ساعة عبال الأكل مايخلص … نعم إنتى مش عارفة إنى هاجى واقع,,,,,لحظة صمت أو تعبير اّخر “إتصدمت”..ومن هنا يبدأ الخناق……..تاتاتاتا

ماما هو إحنا إتولدنا فقرا ليه … ربنا عايز كدة ،ربنا عايز كدة !!! …طب ليه يا ماما أصحابى فى المدرسة بيقولولى يا طويل يا أهبل أنا إتخلقت ليه طويل ،ربنا عايز كدة ……!!!!!طب ليه اتجوزتى بابا اوعى تقوليلى ربنا عاوز كدة ،، ربنا عاوز كدة ..(احا يا ماما) ..هو ايه ربنا عايز كل حاجة مفيش حاجة عايزينها احنا…طويل حرام ،، اه صحيح حرام انا اسف يارب انا اسف يا ماما … يلا قول استغفر الله العظيم…ازاى دى بتاعة المسلمين ،وايه يعنى انت بتطلب الغفران ..وممكن تقول كمان بسم الله الرحمن الرحيم .. .. طب منقول القراّن كله يا ماما …لا يا حبيبى دول بس اللى نقولهم ..حاضر يا ماما …ماما هو انتى بتحبى ايه … بحب ربنا … لا يعنى بتحبى تعملى ايه موهبة يعنى زيى كدة المسرح اللى بعمله ف الكنيسة ….اه فهمتك ..زماااان لما كنت ف بيت ابويا كنت بحب اسمع بيانو و كان نفسى اعزف عليه … طب ليه مكلمتيش جدو يجيبلك واحد …,,فنظرت اليا مستنكرة وقالت :جدك يجيبلى دة لو كان سمع بس انى بحب اسمع موسيقى كان رمانى من الشباك .طب متزعليش يا ماما أوعدك انى لما اكبر هجيبلك بيانو .. ابتسمت ابتسامه جميلة وخدتنى ف حضنها …..

الغير متفاهم .تاتاتاتا. فى جلسة يحضرها اكبر رجال العيلة فى مناسبة ما ، عندما اتحدث معهم فى مواضيع مختلفة ينبهرو _على ايه بينبهرو معرفش صدقنى_بس تقريبا بمجرد انى قلت كام كلمة انجليزى على انى بروح كلية .. …فينظر اليا مبتسما متفشخرا ..وكإنه عايز يقول دة ابنى يا جماعة .وف البيت عكس كدة تماما …ومع ذلك ابويا بيعتبرنى سوبر مان ابن خارق فهو يعتبر غرفتى بمثابة غرفة العمليات لأهم جهاز مخابرات ف العالم ولما يشوفنى لامس كتاب بيعتبرنى ارمسترونج اللى لمس القمر اما جهاز الكمبيوتر فهو بمثابة مكوكا فضائيا …اما بقى عن مواهبى فهى بالنسبة له … لا كفاية كدة بلاش اقولكم بالنسبة له ايه ………

لن انكر انهم جزءا منى ولكن انا اقدر العيش بدونهم والاستغناء عنهم