أولا: بقول لمارك كل سنة وهو طيب.‏
ثانيا: انا مضرب عن الأكل من يوم 23 أغسطس، ودخلت فى إضراب عن المحاليل والأدوية من يوم الأربع 31-8، وبدأت من امبارح الإتنين 12-9-2011، إضراب عن شرب المياة، ومش هنهية إلا بالإفراج عنى.‏
ثالثا: متصدقوش كتير ظباط الجيش أو القضاة العسكريين، لإنهم بيكدبوا كتير… متصدقش غير لما أبقى حر.‏
رابعا: لو مت، محدش يصلى علىّ فى كنيسة، ومتخلوش أى رجل دين يصلى علىّ.. جنازة مدنية بحتة.‏
خامسا: علشان خاطركم هقبل الزيارات بدءا من بكرة… أى حد عايز ييجى أهلا وسهلا بيه.‏
سادسا: أنا مش محتاج أى حاجة، لإنى مش باكل… سلملى على كل الناس، وقولهم مايكل لسه قوى ومتكسرش أبدا.‏

مايكل نبيل سند
13-9-2011